Londonning "Arsenal" klubi yangi hujumchini sotib olishni ko‘rib chiqmoqda.
"Kanonirlar" yaqinda Gabriel Jezusni jarohat sabab uzoq vaqtga yo‘qotishdi, braziliyalik futbolchi xoch bog‘lami yirtilgani sababli mavsumning qolgan qismida maydonga tusha olmaydi. Matbuot jamoaga yangi forvard kelishi mumkinligi haqida ko‘proq xabarlar chiqa boshladi va klub bosh murabbiyi Mikel Arteta klub hujumni kuchaytirish imkoniyatlarini o‘rganayotganini bir necha bor ochiq aytdi. «Daily Star» xabariga ko‘ra, ispaniyalik murabbiy allaqachon Lissabonning "Sporting" klubidan Viktor Dyokeresh bilan shartnoma imzolashni ma’qullagan. Shvesiyalik futbolchiga Yevropa futbolining boshqa ko‘plab gigantlari ham qiziqish bildirmoqda.
«Transfermarkt» portali Portugaliya chempionatining 26 yoshli yulduzining narxini 75 million yevroga baholagan. Futbolchi joriy mavsum "Sporting" safida 31 ta o‘yinda 33 ta gol urdi.
