Fransiyaning "PSJ" klubi bosh murabbiyi Luis Enrike gruziyalik vinger Xvicha Kvarasxeliyaning transferi haqida gapirdi.
“Bu yigit biz xohlagan hamma narsa edi. Unda tajriba, ajoyib individual mahorat, gol urish, raqibdan o‘tib ketish va himoyada ishlash qobiliyati bor", - deya ispaniyalik mutaxassisning so‘zlarini keltiradi "Mundo Deportivo".
Xvicha 70 million yevro evaziga "Napoli"dan Parij grandiga o‘tdi. Tomonlar o‘rtasidagi amaldagi shartnoma muddati 2029 yilning o‘rtalarigacha hisoblangan.













