"Barselona"ning chap qanot himoyachisi Alexandro Balde hozirgi bosh murabbiy Xans-Diter Flik qo‘l ostida o‘zini ko‘rsata oldi.
O‘tgan mavsumda "ko‘k-anorranglilar"ning sobiq ustozi Xavi Ernandes yosh futbolchining imkoniyatlaridan unumli foydalana olmaganini hamma ko‘rdi.
Flik kelganidan so‘ng vaziyat o‘zgardi va ijobiy o‘zgarishlarning asosiy sababi yangi murabbiylar shtabi 21 yoshli ispaniyalik bilan individual mashg‘ulotlar o‘tkazayotgani deya aytilmoqda, deb xabar beradi Diario Sport.
Balde o‘ziga xos jismoniy xususiyatlarga ega futbolchi sifatida ko‘riladi.
