«Bavariya» klubi «Lion» jamoasining hujumkor yarim himoyachisi Rayan Sherkini yozgi transfer vaqtida sotib olishga qiziqish bildirmoqda. Bu haqda jurnalist Patrik Berger xabar berdi.  

Sherkining «Lion» bilan amaldagi shartnomasi 2026 yilda tugaydi. Biroq Sherki va «Lion» o‘rtasida «maxfiy og‘zaki kelishuv» mavjud bo‘lib, unga ko‘ra u mavsum oxirida belgilangan pul evaziga jamoani tark etishi mumkin. Fransuzlar o‘z futbolchisini taxminan 22 million yevro evaziga qo‘yib yuborishga tayyor.

Fransiyalik yarim himoyachiga «Borussiya» Dortmund va «Bayer» ham qiziqish bildirmoqda. Bu mavsumda Sherki «Lion» safida barcha musobaqalarda 22 ta o‘yin o‘tkazib, 5 ta gol urdi va 8 ta golli uzatma amalga oshirdi.