"Chelsi" bosh murabbiyi Enso Mareska yarim himoyachilar Enso Fernandes va Romeo Laviyaning jarohatlari haqidagi savolga javob berdi.
Ikkala futbolchi ham dushanba kuni bo‘lib o‘tgan va "ko‘klar"ning 3:1 hisobidagi g‘alabasi bilan yakunlangan "Vulverxempton" bilan APLning 22-tur uchrashuvini o‘tkazib yuborishdi. Uchrashuv yakunlangach, jurnalistlar londonliklar ustozidan yarim himoyachilarning holati haqidagi so‘nggi ma’lumotlar bilan bo‘lishishni so‘rashdi.
"Laviyaning jarohati Enso Fernandesnikidan jiddiyroq edi. Biz ular safga qaytishi uchun qancha vaqt ketishini bilmaymiz, lekin umid qilamanki, uzoq davom etmaydi", - dedi Mareska.
