"Челси" бош мураббийи Энцо Мареска ярим ҳимоячилар Энцо Фернандес ва Ромео Лавиянинг жароҳатлари ҳақидаги саволга жавоб берди.

Иккала футболчи ҳам душанба куни бўлиб ўтган ва "кўклар"нинг 3:1 ҳисобидаги ғалабаси билан якунланган "Вулверхэмптон" билан АПЛнинг 22-тур учрашувини ўтказиб юборишди. Учрашув якунлангач, журналистлар лондонликлар устозидан ярим ҳимоячиларнинг ҳолати ҳақидаги сўнгги маълумотлар билан бўлишишни сўрашди.

"Лавиянинг жароҳати Энцо Фернандесникидан жиддийроқ эди. Биз улар сафга қайтиши учун қанча вақт кетишини билмаймиз, лекин умид қиламанки, узоқ давом этмайди", - деди Мареска.