"Yuventus" himoyachisi Danilo tez orada rasman jamoani tark etadi.
33 yoshli futbolchi joriy yil boshidan beri "byankonerilar" tarkibidan chiqarildi. Sky Sport nashrining xabar berishicha, braziliyalik futbolchining ketishi shu hafta, shanba kuni "Napoli"ga qarshi o‘yindan so‘ng e’lon qilinadi. Aynan Antonio Konte jamoasida futbolchi faoliyatini davom ettiradi - u keyingi haftada neapolliklar safiga qo‘shiladi.
Danilo 2019 yildan beri "Yuventus"da o‘ynab kelmoqda. Ko‘p qirrali himoyachi Turin klubi safida barcha musobaqalarda 213 ta o‘yin o‘tkazib, 9 ta gol va 14 ta golli uzatmani amalga oshirgan.
