"Ювентус" ҳимоячиси Данило тез орада расман жамоани тарк этади.
33 ёшли футболчи жорий йил бошидан бери "бьянконерилар" таркибидан чиқарилди. Sky Sport нашрининг хабар беришича, бразилиялик футболчининг кетиши шу ҳафта, шанба куни "Наполи"га қарши ўйиндан сўнг эълон қилинади. Айнан Антонио Конте жамоасида футболчи фаолиятини давом эттиради - у кейинги ҳафтада неаполликлар сафига қўшилади.
Данило 2019 йилдан бери "Ювентус"да ўйнаб келмоқда. Кўп қиррали ҳимоячи Турин клуби сафида барча мусобақаларда 213 та ўйин ўтказиб, 9 та гол ва 14 та голли узатмани амалга оширган.
