Portugaliya terma jamoasi bosh murabbiyi Roberto Martines "Barselona" vingeri Lamin Yamal haqida fikr bildirdi.
17 yoshli ispaniyalik bu mavsumda o‘zini Yevropa futbolining asosiy yulduzlaridan biri sifatida ko‘rsatdi. Vunderkind Xans-Diter Flik jamoasida 25 uchrashuvda 9 ta gol urdi va 13 ta golli uzatmani amalga oshirdi.
"Yamal – aql bovar qilmaydigan futbolchi, lekin uning uchun eng qiyini endi boshlanmoqda: raqiblari uni to‘xtatish uchun maxsus rejalar ishlab chiqishadi. Har qanday holatda ham, Lamin futbol olamiga nimaga qodirligini allaqachon ko‘rsatdi", dedi Roberto Martines.
