Португалия терма жамоаси бош мураббийи Роберто Мартинес "Барселона" вингери Ламин Ямал ҳақида фикр билдирди.
17 ёшли испаниялик бу мавсумда ўзини Европа футболининг асосий юлдузларидан бири сифатида кўрсатди. Вундеркинд Ханс-Дитер Флик жамоасида 25 учрашувда 9 та гол урди ва 13 та голли узатмани амалга оширди.
"Ямал – ақл бовар қилмайдиган футболчи, лекин унинг учун энг қийини энди бошланмоқда: рақиблари уни тўхтатиш учун махсус режалар ишлаб чиқишади. Ҳар қандай ҳолатда ҳам, Ламин футбол оламига нимага қодирлигини аллақачон кўрсатди", деди Роберто Мартинес.
