Mish-mishlarga ko‘ra, "Manchester Siti" yarim himoyachisi Jek Grilish Yevropaning boshqa top-ligasiga o‘tishi mumkin. 29 yoshli futbolchi "shaharliklar"da kamdan-kam hollarda asosiy tarkibda maydonga tusha oladi, shu bois ham matbuotda uning ketishi mumkinligi haqida tinimsiz gap-so‘zlar bo‘lmoqda.
Xabarga ko‘ra, "Inter" va Dortmundning "Borussiya" klublari Grilishning holatini diqqat bilan kuzatib borishmoqda. Hujumkor yarim himoyachining "Manchester Siti" bilan shartnomasi 2027 yilning o‘rtalariga qadar tuzilgan.
Transfermarkt portali angliyalik futbolchining narxini 45 million yevroga baholamoqda.
