“Liverpul” bosh murabbiyi Arne Slot umumiy turnir jadvalida peshqadamlik qilayotgan mersisaydliklar haqidagi savolga javob berar ekan, Chempionlar ligasi formatini g‘alati deb atadi.
"Men turnir jadvaliga falon jamoa bilan o‘ynash bizga osonroq bo‘ladi, degan nuqtai nazardan qaramayman, chunki biz birinchimiz. Chempionlar ligasining g‘alati formati tufayli siz uchun oson bo‘ladi, deyishning iloji yo‘q.
"G‘alati" so‘zi bilan hech qanday salbiy narsani nazarda tutmayapman, lekin format g‘alati! Birinchi o‘rinda ekanligimiz umumiy bosqichda eng yaxshi jamoa ekanligimizni isbotlamasligi mumkin", - deya Slot so‘zlarini keltiradi "Liverpul" rasmiy sayti.
Bugun, 21 yanvar kuni “Liverpul” UEFA Chempionlar ligasi umumiy bosqichining 7-turi doirasida “Lill” bilan o‘ynaydi.
