"Milan" yaqin orada o‘ng qanot himoyachisi Kayl Uokerni o‘z safiga qo‘shib oladi. Emerson Royal bu transfer qurboni bo‘lishi mumkin. Braziliyalik futbolchining qishki transfer oynasida Italiya klubini tark etishi haqida mish-mishlar bor. Emerson "Fulxem"ning nishonida, deb xabar beradi Sky Sports.
London klubi Kenni Tete jarohati tufayli yangi o‘ng qanot himoyachisini sotib olmoqchi. Shu bilan birga, 26 yoshli Emersonga "Galatasaroy" ham qiziqish bildirayotgani ta’kidlangan.
Transfermarkt portali braziliyalik futbolchini 14 million yevroga baholamoqda. Emerson 2024/2025 yilgi mavsumda 25 ta o‘yinda maydonga tushdi.
