"Милан" яқин орада ўнг қанот ҳимоячиси Кайл Уокерни ўз сафига қўшиб олади. Эмерсон Рояль бу трансфер қурбони бўлиши мумкин. Бразилиялик футболчининг қишки трансфер ойнасида Италия клубини тарк этиши ҳақида миш-мишлар бор. Эмерсон "Фулхэм"нинг нишонида, деб хабар беради Sky Sports.
Лондон клуби Кенни Тете жароҳати туфайли янги ўнг қанот ҳимоячисини сотиб олмоқчи. Шу билан бирга, 26 ёшли Эмерсонга "Галатасарой" ҳам қизиқиш билдираётгани таъкидланган.
Transfermarkt портали бразилиялик футболчини 14 миллион еврога баҳоламоқда. Эмерсон 2024/2025 йилги мавсумда 25 та ўйинда майдонга тушди.













