Yaqinda Xosep Gvardiola va Kristina Serra ajrashgani ma’lum bo‘ldi. Ular 30 yil davomida er-xotin bo‘lishdi, lekin endi ular ajralishga qaror qilishdi.
Daily Mail nashri xabariga ko‘ra, Kristina Serra oilaning ajralishi haqida xabar berilgandan keyin birinchi marta Barselonada ko‘rinish berdi. 52 yoshli ayol yolg‘iz do‘kondan narsalar xarid qilayotganini ko‘rishgan.
Jurnalistlar Kristinaga bir nechta savollar berish imkoniyatini qo‘ldan boy berishmadi. Kristinadan hol-ahvol so‘rashganda, ayol: "Ajoyib, rahmat", deb javob berdi. Keyin Serradan uning kayfiyati haqida so‘rashdi. "Hammasi yaxshi", deb javob berdi. Shu bilan birga, Kristina Serra Xosep Gvardiolaning "Manchester Siti" bilan shartnomasini uzaytirish qarori ajrashishiga sabab bo‘lganmi, degan savolga sukut saqladi.