Яқинда Хосеп Гвардиола ва Кристина Серра ажрашгани маълум бўлди. Улар 30 йил давомида эр-хотин бўлишди, лекин энди улар ажралишга қарор қилишди.
Daily Mail нашри хабарига кўра, Кристина Серра оиланинг ажралиши ҳақида хабар берилгандан кейин биринчи марта Барселонада кўриниш берди. 52 ёшли аёл ёлғиз дўкондан нарсалар харид қилаётганини кўришган.
Журналистлар Кристинага бир нечта саволлар бериш имкониятини қўлдан бой беришмади. Кристинадан ҳол-аҳвол сўрашганда, аёл: "Ажойиб, раҳмат", деб жавоб берди. Кейин Серрадан унинг кайфияти ҳақида сўрашди. "Ҳаммаси яхши", деб жавоб берди. Шу билан бирга, Кристина Серра Хосеп Гвардиоланинг "Манчестер Сити" билан шартномасини узайтириш қарори ажрашишига сабаб бўлганми, деган саволга сукут сақлади.
