"Roma" Klaudio Ranyerining o‘rniga "Ayaks" murabbiyi Franchesko Faryolini tayinlashi mumkin.
Ranyeri avvalroq mavsum oxirida murabbiylik faoliyatini yakunlashini tasdiqlagan edi. O‘tgan yilning noyabr oyida, 73 yoshli mutaxassis "Roma" bosh murabbiyi lavozimini egallaganida, keyinchalik u klubning sport masalalari bo‘yicha maslahatchisi bo‘lishi rejalashtirilgan edi.
Ranyeri va "Roma" sport direktori Florent Gisolfi Faryoli bilan yozda klubga taklif qilinishi mumkinligi haqida allaqachon bog‘lanishgan. 35 yoshli mutaxassisning "Ayaks" bilan shartnomasi 2027 yilgacha mo‘ljallangan.
Joriy mavsumda Faryoli qo‘l ostidagi "Ayaks" Erediviziya jadvalida 19 turdan keyin PSVdan bir ochko ortda qolib, 2-o‘rinda bormoqda.