"Рома" Клаудио Раньерининг ўрнига "Аякс" мураббийи Франческо Фарьолини тайинлаши мумкин.

Раньери аввалроқ мавсум охирида мураббийлик фаолиятини якунлашини тасдиқлаган эди. Ўтган йилнинг ноябрь ойида, 73 ёшли мутахассис "Рома" бош мураббийи лавозимини эгаллаганида, кейинчалик у клубнинг спорт масалалари бўйича маслаҳатчиси бўлиши режалаштирилган эди.

Раньери ва "Рома" спорт директори Флорент Гисольфи Фарьоли билан ёзда клубга таклиф қилиниши мумкинлиги ҳақида аллақачон боғланишган. 35 ёшли мутахассиснинг "Аякс" билан шартномаси 2027 йилгача мўлжалланган.

Жорий мавсумда Фарьоли қўл остидаги "Аякс" Эредивизия жадвалида 19 турдан кейин ПСВдан бир очко ортда қолиб, 2-ўринда бормоқда.