Bir qancha top-ligalar yozgi transfer oynasini erta yopilishini talab qilmoqda.

"Biz klublarimiz bilan transfer davri kelasi yozda Bundesliganing birinchi bosqichidan oldin tugashini xohlaymizmi yoki yo‘qligini muhokama qilmoqdamiz. Biz Yevropaning boshqa yetakchi ligalari bilan hamkorlikda yechim topish uchun muzokaralar olib bormoqdamiz", — dedi Germaniya futbol assosiasiyasi.

Kicker nashrining qayd etishicha, Premyer-liga allaqachon tegishli qarorni qabul qilgan, biroq bunday sharoitda yolg‘iz ishlashni istamaydi. Germaniyada ham ular transfer muddatini qisqartirishni mantiqiy deb hisoblaydilar. Bu borada Italiyadan ham ijobiy signallar kelmoqda.

Shu bilan birga, Liga 1 hali faqat o‘z fikrini shakllantirmoqda, ammo La Liga bunga qarshi.