Yevropa futbolida Chempionlar ligasi guruh bosqichining 7-turi davom etmoqda va Angliyaning “Manchester Siti” klubi Parijda “PSJ”ga qarshi o‘yinda 2:0 hisobida oldinda borayotgan edi, biroq keyin o‘z darvozasidan to‘rtta gol o‘tkazib yubordi va 2:4 hisobida mag‘lub bo‘ldi.
"Manchester Siti" hujumchisi Jek Grilish uchrashuv haqida fikr bildirdi. U maydonda nima bo‘lganidan hayratda.
"Men nima bo‘lganini bilmayman. Odatda biz oldinda borayotganimizda hammasi yaxshi bo‘ladi, lekin bu mavsumda biz oldinga chiqib, bir, ikki, hatto uchta gol urganimizdan keyin o‘yin nazoratini qo‘ldan chiqargan vaziyatlarimiz bo‘lgan va oxirida nima bo‘lishini tasavvur ham qilolmaysiz. Bu juda g‘alati", - deya futbolchining so‘zlarini keltiradi BBC Sport.
