Luis Enrike Chempionlar ligasida "Manchester Siti" ustidan qozonilgan g‘alabani (4:2) yuqori baholadi.
56-daqiqaga kelib "PSJ" 0:2 hisobida mag‘lub bo‘layotgandi.
"Bavariya" bilan o‘yin (0:1) shiddatlilik bo‘yicha bir xil darajada bo‘ldi. Bugungi kundagi yagona farq - bu yakuniy natija va bu odamlarning xotirasida qoladi. Bu muhim.
To‘pni yo‘qotganimizda pressingni to‘xtatmaymiz. Bugun oqshom shunday jamoaga, shunday murabbiyga, shunday kuchli futbolchilarga qarshi o‘yindan faxrlanaman. Bugun biz to‘liq shiddatli o‘yin ko‘rsatdik.
Hozirgi jamoaning kuchli tomonlari ko‘p. Bu o‘yin futbolchilarimga kuch bag‘ishlaydi – ular yosh va bunday uchrashuvlarda ko‘p tajribaga ega emaslar.
Bu jamoa ikki to‘p farqi bilan mag‘lub bo‘lsa ham hech qachon taslim bo‘lmaydi.
O‘ylaymanki, bizda to‘liq ma’noda kuchli jamoa bor. Biz to‘rt marta gol urdik, ikki marta darvoza ustuniga zarba berdik va hammasi yaxshi jamoaga qarshi sodir bo‘ldi", - dedi "PSJ" bosh murabbiyi.
