Луис Энрике Чемпионлар лигасида "Манчестер Сити" устидан қозонилган ғалабани (4:2) юқори баҳолади.

56-дақиқага келиб "ПСЖ" 0:2 ҳисобида мағлуб бўлаётганди.

"Бавария" билан ўйин (0:1) шиддатлилик бўйича бир хил даражада бўлди. Бугунги кундаги ягона фарқ - бу якуний натижа ва бу одамларнинг хотирасида қолади. Бу муҳим.

Тўпни йўқотганимизда прессингни тўхтатмаймиз. Бугун оқшом шундай жамоага, шундай мураббийга, шундай кучли футболчиларга қарши ўйиндан фахрланаман. Бугун биз тўлиқ шиддатли ўйин кўрсатдик.

Ҳозирги жамоанинг кучли томонлари кўп. Бу ўйин футболчиларимга куч бағишлайди – улар ёш ва бундай учрашувларда кўп тажрибага эга эмаслар.

Бу жамоа икки тўп фарқи билан мағлуб бўлса ҳам ҳеч қачон таслим бўлмайди.

Ўйлайманки, бизда тўлиқ маънода кучли жамоа бор. Биз тўрт марта гол урдик, икки марта дарвоза устунига зарба бердик ва ҳаммаси яхши жамоага қарши содир бўлди", - деди "ПСЖ" бош мураббийи.