"Manchester Siti" jamoasiga yangi qo‘shilgan Abduqodir Husanovning manfaatlarini himoya qiluvchi futbol agenti G‘ayrat Hasbiullin o‘z mijoziga boshqa klublarning qiziqishi haqida ma’lumot berdi.
"Uni Germaniyaning bir qancha klublari xohlagan edi. Bu "Leypsig", "Shtutgart", "Bayer" va Dortmundning "Borussiya"si haqida gap ketmoqda. Shuningdek, bir nechta italyan top-klublari ham qiziqish bildirgan. Ammo birinchi bo‘lib "Manchester Yunayted" unga qiziqish bildirgan edi," - deya agent so‘zlarini keltirdi "Chempionat" nashri.