"Манчестер Сити" жамоасига янги қўшилган Абдуқодир Ҳусановнинг манфаатларини ҳимоя қилувчи футбол агенти Ғайрат Ҳасбиуллин ўз мижозига бошқа клубларнинг қизиқиши ҳақида маълумот берди.
"Уни Германиянинг бир қанча клублари хоҳлаган эди. Бу "Лейпциг", "Штутгарт", "Байер" ва Дортмунднинг "Боруссия"си ҳақида гап кетмоқда. Шунингдек, бир нечта итальян топ-клублари ҳам қизиқиш билдирган. Аммо биринчи бўлиб "Манчестер Юнайтед" унга қизиқиш билдирган эди," - дея агент сўзларини келтирди "Чемпионат" нашри.