20 yoshli o‘zbekistonlik himoyachi Abduqodir Husanovning agenti G‘ayrat Xasbiullin Yevropada o‘zbek futbolchilariga bo‘lgan talabga baho berdi.
"Kelajakda emas, lekin hozirdanoq biz Yevropada talabni sezyapmiz. Va u o‘n baravar ko‘paydi. Ular doimo qiziqib, savollar berishadi. Agentligimiz endigina ochilayotganda, men futbolchilarning profili bilan Yevropa bo‘ylab sayohat qildim. Qiziqish ancha sust edi, jumladan, Husanovga ham. Yevropaning top-klublaridan birining bosh skauti shunday degan edi: “Beshta yetakchi chempionatda hech bo‘lmaganda O‘zbekistondan bitta futbolchini aytib bering? U paydo bo‘lganda, gaplashaylik". O‘shanda Shomurodovning A Seriyaga o‘tish jarayoni davom etayotgan edi, ammo hali amalga oshmagandi.
Endi bu jamoaning sport direktori menga qaytib keldi va Husanov bilan qiziqib qoldi. Men unga qaysidir payt uning klubi bu himoyachini ko‘rib chiqishdan bosh tortganini aytdim", deydi Xasbiullin.
