20 ёшли ўзбекистонлик ҳимоячи Абдуқодир Ҳусановнинг агенти Ғайрат Хасбиуллин Европада ўзбек футболчиларига бўлган талабга баҳо берди.

"Келажакда эмас, лекин ҳозирданоқ биз Европада талабни сезяпмиз. Ва у ўн баравар кўпайди. Улар доимо қизиқиб, саволлар беришади. Агентлигимиз эндигина очилаётганда, мен футболчиларнинг профили билан Европа бўйлаб саёҳат қилдим. Қизиқиш анча суст эди, жумладан, Ҳусановга ҳам. Европанинг топ-клубларидан бирининг бош скаути шундай деган эди: “Бешта етакчи чемпионатда ҳеч бўлмаганда Ўзбекистондан битта футболчини айтиб беринг? У пайдо бўлганда, гаплашайлик". Ўшанда Шомуродовнинг А Серияга ўтиш жараёни давом этаётган эди, аммо ҳали амалга ошмаганди.

Энди бу жамоанинг спорт директори менга қайтиб келди ва Ҳусанов билан қизиқиб қолди. Мен унга қайсидир пайт унинг клуби бу ҳимоячини кўриб чиқишдан бош тортганини айтдим", дейди Хасбиуллин.