Madridning "Real" klubi hujumchisi Vinisius Junior Saudiya Arabistoni klublarining orzusi bo‘lib qolmoqda. Avvalroq, saudiyaliklar braziliyalik yulduzning transferi uchun madridliklar jamoasiga 350 million yevro taklif qilishlari mumkinligi haqida xabarlar tarqalgan edi.

«El Gol Digital» jurnalisti ma’lumotga qo‘shimcha qiladi - Vinisius Junior Saudiya Arabistonida rekord darajadagi shartnomaga ega bo‘lishi mumkin. Braziliyalik futbolchi besh yil davomida 1 milliard yevro ishlab olishi mumkin. Ma’lum bo‘lishicha, Vinisiusning yillik maoshi 200 million yevroni tashkil qiladi. Bundan tashqari, futbolchi uy-joy, avtomobil va boshqa hashamatli buyumlarga ega bo‘ladi.

2024/2025 yilgi mavsumda Vinisius Junior 26 o‘yin o‘tkazib, 16 gol urdi va jamoadoshlariga 10 golli uzatma berdi.