"Barselona" yarim himoyachisi Gavi jamoa "Valensiya"ga qarshi o‘yinda maydonga tushmadi.
Murabbiy Xans-Diter Flik 20 yoshli futbolchini o‘yin yakunida maydonga tushirmoqchi edi, biroq u ko‘proq o‘yin amaliyotiga muhtoj bo‘lgan jamoadoshi haqida qayg‘urib, rad javobini berdi.
"Menga Gavining o‘zini tutishi yoqdi. Men uning so‘nggi 15 daqiqada zaxiradan maydonga tushishini istardim, lekin u menga Pablo Torreni tushiring, dedi. Bu go‘zal narsa. Men Gavini yaxshi ko‘raman, buni eshitish juda yoqimli bo‘ldi", - dedi Flik.
Pablo Torre o‘yinning 78-daqiqasida Frenki de Yongning o‘rniga maydonga tushdi.
