"Барселона" ярим ҳимоячиси Гави жамоа "Валенсия"га қарши ўйинда майдонга тушмади.
Мураббий Ханс-Дитер Флик 20 ёшли футболчини ўйин якунида майдонга туширмоқчи эди, бироқ у кўпроқ ўйин амалиётига муҳтож бўлган жамоадоши ҳақида қайғуриб, рад жавобини берди.
"Менга Гавининг ўзини тутиши ёқди. Мен унинг сўнгги 15 дақиқада захирадан майдонга тушишини истардим, лекин у менга Пабло Торрени туширинг, деди. Бу гўзал нарса. Мен Гавини яхши кўраман, буни эшитиш жуда ёқимли бўлди", - деди Флик.
Пабло Торре ўйиннинг 78-дақиқасида Френки де Йонгнинг ўрнига майдонга тушди.
