"Yuventus" hujumchisi Dushan Vlaxovich Saudiya Arabistoniga o‘tish niyatida emas.
Serb "byankonerilar"ning asosiy tarkibidagi o‘rnini yo‘qotdi. Turin klubi yaqinda hujumchi pozisiyasida Vlaxovichga yana bir raqobatchi Randal Kolo-Muani bilan shartnoma imzoladi. Insayder Janluka di Marsioning so‘zlariga ko‘ra, Dushanga "An-Nasr" qiziqish bildirmoqda, biroq futbolchi katta moliyaviy manfaatlarga qaramay, faoliyatini davom ettirish uchun bu variantni ko‘rib chiqmayapti.
Vlaxovich ushbu mavsumda 26 ta o‘yinda 12 ta gol urdi va 2 ta golli uzatmani amalga oshirdi.
