Jon Obi Mikel "Chelsi" xo‘jayinlari haqida gapirdi. Ayni damda ingliz klubi Todd Boeliga tegishli.
"Men bu amerikalik rahbarlar haqida ko‘p narsa bilmayman. Agar kimdir futbolni sokker, deb atasa men ular bilan gaplashmoqchi emasman, chunki siz bu o‘yin haqida hech narsa bilmasligingiz aniq.
Roman Abramovich ko‘p pul sarflagan, jamoaga eng yaxshi o‘yinchilarni olib kelgan va biz yuqorida bo‘lishimiz, har mavsumda sovrinlar yutishimiz va raqobatbardosh bo‘lishimiz uchun doimo ishonch hosil qilgan", dedi "Chelsi"ning sobiq yarim himoyachisi.













