Fabio Kapello "Milan"ning kechagi o‘yini uchun Teo Ernandes va Rafael Leauni tanqid qildi.
A seriyaning 22-turida milanliklar o‘z maydonida “Parma”ni mag‘lub etishdi (3:2), ikkinchi bo‘limga qo‘shib berilgan daqiqalarda ikkita gol urdi. Tanaffus vaqtida bosh murabbiy Serxio Konseysau Ernandes va Leauni almashtirdi.
"Men Konseysauning qo‘sh almashtirish borasidagi fikriga qo‘shilaman. Ular har jihatdan qabul qilib bo‘lmaydigan o‘yin o‘tkazishdi.
O‘ylaymanki, murabbiy barcha futbolchilarga signal berdi: agar o‘rtamiyona maqomda o‘ynasangiz, maqomingizdan qat’i nazar, sizni almashtiraman. Bu jasoratli harakat edi, lekin Fonseka avval ham xuddi shunday qilgan, ammo foydasi bo‘lmagan.
Men, albatta, fikri boshqa joyda bo‘lgan Teodan ko‘proq xavotirdaman", dedi Fabio Kapello.
