Yarim himoyachi Kazemiro qishki transfer oynasida klubini o‘zgartirishga tayyor. Sky Sports xabariga ko‘ra, 32 yoshli braziliyalik Italiyaning "Roma" jamoasiga o‘tishga tayyor.
Shu bilan birga, "Manchester Yunayted" Kazemironing ijara asosida ketishiga ochiqligi qayd etilgan. Premyer-liga klubi to‘liq transferni afzal ko‘radi, ammo hozircha bunday taklif yo‘q. "Roma" yaqin kunlarda tajribali Kazemironi ijaraga olishi mumkin.
2024/2025 yilgi mavsumda Kazemiro 22 o‘yin o‘tkazib, 3 ta gol urgan. Transfermarkt portali futbolchini 12 million yevroga baholamoqda.