"Real" bosh murabbiyi Karlo Anchelotti Rodrigoning Chempionlar ligasi doirasida "Brest"ga qarshi o‘yiniga baho berdi. Braziliyalik forvard umumiy bosqichning so‘nggi turida ikkita gol urib, uchrashuv qahramonlaridan biriga aylandi.
"Rodrigo hamma kabi juda yaxshi. U juda ko‘p gol urmoqda. Bizda ajoyib hujum bor, jamoa yaxshi futbol o‘ynaydi. Rodrigo ba’zida yaxshi ishlaydi, ba’zida unchalik yaxshi emas, lekin u mening birinchi mavsumimdan beri, ya’ni "Manchester Siti" darvozasiga ikki bor gol urganidan beri yaxshi bo‘lib kelmoqda. U gol urmaganda ham uning golli uzatmalari biz uchun muhim", dedi Anchelotti matbuot anjumanida.
