"Реал" бош мураббийи Карло Анчелотти Родригонинг Чемпионлар лигаси доирасида "Брест"га қарши ўйинига баҳо берди. Бразилиялик форвард умумий босқичнинг сўнгги турида иккита гол уриб, учрашув қаҳрамонларидан бирига айланди.
"Родриго ҳамма каби жуда яхши. У жуда кўп гол урмоқда. Бизда ажойиб ҳужум бор, жамоа яхши футбол ўйнайди. Родриго баъзида яхши ишлайди, баъзида унчалик яхши эмас, лекин у менинг биринчи мавсумимдан бери, яъни "Манчестер Сити" дарвозасига икки бор гол урганидан бери яхши бўлиб келмоқда. У гол урмаганда ҳам унинг голли узатмалари биз учун муҳим", деди Анчелотти матбуот анжуманида.
