"Bavariya" bosh murabbiyi Vensan Kompani Chempionlar ligasi pley-off bosqichidagi ehtimoliy raqiblari haqida o‘z fikrlari bilan o‘rtoqlashdi.

Myunxenliklar to‘g‘ridan-to‘g‘ri 1/8 finalga chiqa olmay, umumiy bosqichni 12-o‘rinda yakunladi. Pley-offning dastlabki bosqichida Bundesliga grandi “Manchester Siti” yoki “Seltik” bilan o‘ynaydi.

"Biz turnirning katta o‘yinlar kutayotgan bosqichiga yetib keldik. Demak, raqibimiz kim bo‘lishidan qat’i nazar, tayyor bo‘lishimiz kerak. "Manchester Siti" va "Seltik" pley-offga yaxshi kayfiyatda yo‘l olishmoqda. Biz kuch to‘plashimiz va to‘g‘ri fikr yuritishimiz kerak", - dedi Kompani.