"Бавария" бош мураббийи Венсан Компани Чемпионлар лигаси плей-офф босқичидаги эҳтимолий рақиблари ҳақида ўз фикрлари билан ўртоқлашди.
Мюнхенликлар тўғридан-тўғри 1/8 финалга чиқа олмай, умумий босқични 12-ўринда якунлади. Плей-оффнинг дастлабки босқичида Бундеслига гранди “Манчестер Сити” ёки “Селтик” билан ўйнайди.
"Биз турнирнинг катта ўйинлар кутаётган босқичига етиб келдик. Демак, рақибимиз ким бўлишидан қатъи назар, тайёр бўлишимиз керак. "Манчестер Сити" ва "Селтик" плей-оффга яхши кайфиятда йўл олишмоқда. Биз куч тўплашимиз ва тўғри фикр юритишимиз керак", - деди Компани.
