Chempionlar ligasi umumiy bosqichining so‘nggi turida "Manchester Siti" Belgiyaning "Bryugge" klubiga qarshi bahs olib bordi. Birinchi bo‘limdan keyin 0:1 hisobida ortda borayotgan "shaharliklar" yakunda 3:1 hisobida g‘alaba qozonishdi.
The Sun nashri xabariga ko‘ra, "shaharliklar" bosh murabbiyi Xosep Gvardiola o‘z jamoasidan juda xavotirda edi. Uchrashuv davomida ispaniyalik mutaxassis peshonasi va boshini tirnadi.
Eslatib o‘tamiz, noyabr oyida murabbiy "Feyenoord" bilan o‘yinda (3:3) yuzini tirnagandi. Nufuzli turnirning umumiy raund yakunlariga ko‘ra, "Manchester Siti" 22-o‘rinni egalladi. Gvardiola shogirdlari 11 ochko jamg‘arishdi. Jamoa endi pley-off o‘yinlarida ishtirok etadi.
