Madridning "Atletiko" klubi bosh murabbiyi Diyego Simeone jamoasi Chempionlar ligasining 1/8 finaliga chiqqanidan so‘ng o‘z his-tuyg‘ulari bilan o‘rtoqlashdi.
Umumiy bosqichning final uchrashuvida “matraschilar” "Zalsburg"ni 4:1 hisobida mag‘lub etishdi.
"Atletiko" oldinga qadam tashladi va endi navbatdagi raqibi kim bo‘lishini kutmoqda. Bu kuchli jamoa bo‘ladi. Biroz kutishimiz kerak, tez orada hammasi oydinlashadi", - dedi Simeone Mundo Deportivo nashriga.
Madridliklar sakkiz turda 18 ochko to‘plashdi. Simeone shogirdlari beshinchi o‘rinni egalladi va to‘g‘ridan-to‘g‘ri UYEFA Chempionlar ligasi 1/8 finaliga yo‘llanma oldi.
