"An-Nasr" Kaoru Mitomaning transferini rad etdi.

"Brayton" futbolchini sotish niyati yo‘qligini ma’lum qilganidan so‘ng Saudiya Arabistoni klubi yaponiyalik futbolchini qo‘lga kiritish borasidagi harakatlaridan voz kechdi, deb xabar bermoqda BBC.

Aytilishicha, ingliz klubi "An-Nasr"ning 65 million yevrolik taklifini rad etgan, ammo yangisini kutayotgan edi. Biroq, klublar o‘rtasidagi keyingi muzokaralar chog‘ida "Brayton" 27 yoshli vingerni sotishga hojat yo‘qligini va taklif miqdoridan qat’i nazar, o‘z pozisiyasini o‘zgartirmasligini ta’kidladi.

Bundan tashqari, "Brayton"ning fikricha, Mitomaning o‘zi ham ketishdan manfaatdor emas. "An-Nasr" kelishuv amalga oshmasligini tan oldi.