"Ан-Наср" Каору Митоманинг трансферини рад этди.
"Брайтон" футболчини сотиш нияти йўқлигини маълум қилганидан сўнг Саудия Арабистони клуби япониялик футболчини қўлга киритиш борасидаги ҳаракатларидан воз кечди, деб хабар бермоқда BBC.
Айтилишича, инглиз клуби "Ан-Наср"нинг 65 миллион евролик таклифини рад этган, аммо янгисини кутаётган эди. Бироқ, клублар ўртасидаги кейинги музокаралар чоғида "Брайтон" 27 ёшли вингерни сотишга ҳожат йўқлигини ва таклиф миқдоридан қатъи назар, ўз позициясини ўзгартирмаслигини таъкидлади.
Бундан ташқари, "Брайтон"нинг фикрича, Митоманинг ўзи ҳам кетишдан манфаатдор эмас. "Ан-Наср" келишув амалга ошмаслигини тан олди.
