"Zenit" hujumchi Vilson Izidorning to‘liq transferini e’lon qildi. Angliyaning "Sanderlend" klubi Piter klubi bilan 24 yoshli fransuz futbolchisiga bo‘lgan huquqlarni sotib olishga kelishib oldi.
Ma’lumki, "Sanderlend" Izidorni "Zenit"dan ijaraga olgandi. O‘shandan beri hujumchi "qora mushuklar" safida 26 ta o‘yin o‘tkazib, 9 ta gol urgan. "Sanderlend" hozirda Chempionship turnir jadvalida to‘rtinchi o‘rinni egallab turibdi.
Shuni qo‘shimcha qilamizki, hozirda "Zenit" qishki mavsumning ikkinchi qismiga tayyorgarlik ko‘rmoqda. Piterliklar Premyer-liga turnir jadvalida ikkinchi o‘rinni egallab turibdi.
