"Manchester Siti" bosh murabbiyi Pep Gvardiola transfer bozorida Rodriga o‘rinbosar qidirilayotgani haqida gapirdi.
Ispaniyalik yarim himoyachi xochsimon paylari yirtilgani sababli sentyabr oyidan beri maydonga tusha olmagandi.
"Oltin to‘p" sohibi mavsum oxirigacha maydonga qayta olmaydi.
"Bu ishni bajarishga qodir futbolchilar bor, lekin klublar ularni sotmaydi, ular juda qimmat. Biz bu haqda o‘ylab ko‘rdik, chunki Kovachich va Gyundogan haqiqiy tayanch yarim himoyachilar emas, garchi ikkalasi ham katta kuch sarflasa ham, buning uchun men juda minnatdorman”, dedi Gvardiola yakshanba kungi “Arsenal”ga qarshi o‘yin oldidan matbuot anjumanida.
