Bugun Fransiya poytaxti Parij shahrida “Katta Dubulg‘a” turkumiga kiruvchi yangi mavsumning ilk musobaqasida ikkinchi kungi bellashuvlar bo‘lib o‘tadi.

Mukofot jamg‘armasi 154 000 yevroni tashkil etuvchi ushbu turnirda uch dzyudochimiz ishtirok etayotgan bo‘lib, ulardan ikki nafari g‘olib va sovrindorlar safidan joy olib ulgurdi. Bugun esa delegasiyamizning eng og‘ir vaznli dzyudochisi O‘tkirbek To‘raboyevga muxlislik qilamiz.

+100 kg vazn toifasidagi To‘raboyevlar sulolasi vakili qur’a natijasiga ko‘ra ilk davrada fransiyalik Amadu Meytega qarshi tatamiga chiqadi. Bugungi saralash bahslari bizning vaqt bilan soat 14:15da boshlanadi. O‘tkirbek ishtirokidagi bellashuv 4-tatamida 18-tartib ostida belgilangan.