"Barselona" La Ligada "Real"dan ochkolar orasidagi farqni 4 taga qisqartirdi.

Ushbu turda kuchli 3 ta jamoa o‘z o‘yinlarini o‘tkazib bo‘ldi. "Barsa" "Alaves" ustidan g‘alaba qozondi (1:0), "Atletiko" "Malyorka"dan kuchliroq (2:0), "Real" esa "Espanyol"ga yutqazdi (0:1).

"Barsa" uchinchi o‘rinda qoldi, ammo "Real" bilan farqni 4 ochkoga qisqartirdi. Kataloniyaliklar ikkinchi o‘rinda borayotgan "Atletiko"dan 3 ochko ortda qolmoqda. Eslatib o‘tamiz, keyingi turda "Real" va "Atletiko" o‘rtasidagi Madrid derbisi bo‘lib o‘tadi.