"Manchester Yunayted"ning APL turnir jadvalidagi mavqei 24-turdan keyin yomonlashdi.

Ruben Amorim shogirdlari o‘z maydonida “Kristal Pelas”ga imkoniyatni boy berishdi (0:2).

Tur oldidan 12-o‘rinda bo‘lgan "mankunianliklar" "burgutlar"ga mag‘lub bo‘lishdi va 13-o‘rinni egallashdi.

Ularda 29 ochko bor, quyi ligadan 12 ochko oldinda va peshqadam “Liverpul”dan 27 ochko ortda qolmoqda.

Qayd etish kerakki, “Manchester Yunayted” 15-o‘ringa tushishi mumkin, chunki ulardan ortda borayotgan “Vest Xem” (27 ochko) va “Everton” (26) bir o‘yin kam o‘tkazgan.