31 yanvar kuni Jizzax viloyatida yakkakurash sport turlariga ixtisoslashtirilgan sport maktabi boks zalining ochilish marosimi bo‘lib o‘tdi.
Tadbirda Jizzax viloyati hokimi o‘rinbosari A. Sovurboyev, viloyat Sport boshqarmasi boshlig‘i J. O‘ktamov, bokschi va murabbiylar hamda boshqa rasmiylar ishtirok etishdi.
Tadbir davomida yaqindagina yakuniga yetgan kattalar o‘rtasidagi O‘zbekiston chempionatining jizzaxlik g‘olib va sovrindorlari ham Jizzax viloyati Sport boshqarmasi tomonidan qimmatbaho sovg‘alar bilan taqdirlandilar.
