"Portu" "Manchester Siti" Niko Gonsalesning tovon pulini to‘lashni talab qilmoqda.

Avvalroq, Portugaliya klubi "shaharliklar"ning yarim himoyachini 50 million yevro evaziga transfer qilish taklifini rad etgandi.

Insayder Fabrisio Romanoning so‘zlariga ko‘ra, "Siti" bugun ertalab yana portugaliyaliklar bilan to‘g‘ridan-to‘g‘ri aloqa o‘rnatib, kelishuvga erishishga harakat qildi.

Shartnomaning shaxsiy shartlari bilan bog‘liq muammolar yo‘q. Biroq, "Portu" futbolchi uchun 60 million yevro tovon puli talab qilishda davom etmoqda.

"Portu" yarim himoyachini 2023 yilning yozida 8,4 million yevro evaziga sotib olgandi. "Barselona" Nikoni qayta sotishdan tushgan foydaning 40 foizini olish huquqiga ega.