"Benfika"ga ijara asosida o‘tgan "Komo"ning italiyalik hujumchisi Andrea Belotti Portugaliya klubi haqida fikrlari bilan o‘rtoqlashdi.
“Umid qilamanki, mavsumni yaxshi yakunlayman. Oldinda ko‘plab o‘yinlar, ko‘plab sovrinlar qo‘lga kiritilishi kerak. Umid qilamanki, men uchun abadiy esda qoladigan ajoyib yil bo‘ladi.
"Benfika" ko‘p hujum qiladigan jamoa va bu menga gol urish uchun yaxshiroq pozisiyaga kirishimga yordam berishi mumkin.
"Benfika" hamma narsada g‘alaba qozonishni istaydigan klub.
Demak, bu yerga kelish qarori men uchun eng yaxshisi bo‘ldi. Terma jamoa va katta klublar bilan ishlash tajribam bor va bu o‘sishimga yordam berdi.
Aytishim mumkinki, men "Benfika" kabi muhim klubga o‘z hissamni qo‘shishga tayyorman", - deya Belottining so‘zlarini keltiradi "Benfika" rasmiy sayti.
