"Bolonya" himoyachisi Stefan Posh "Atalanta"ga 2025 yilning 30 iyuniga qadar ijara asosida, sotib olish huquqi bilan qo‘shildi, deb xabar beradi bergamoliklar klubi rasmiy sayti.
27 yoshli avstriyalik futbolchi "Bolonya" safida uch mavsum o‘ynab, A Seriyada jami 75 ta o‘yinda maydonga tushib, 7 ta gol urdi va 4 ta golli uzatmani amalga oshirdi. Bungacha Germaniyaning "Xoffenxaym" klubida to‘p tepgan.
Ayni damda "Atalanta" 23 o‘yindan so‘ng 47 ochko bilan Italiya chempionati turnir jadvalida uchinchi o‘rinda bormoqda.
